Directie Infrastructuur en Planning (DIP) conhunto cu Ministerio di Infrastructura ta informa cambionan pa loke ta trata kavel ariba ruta di carnaval. DIP lo publica e cambio di ruta di kavel actualisa ariba www.dip.aw.
E cambio ta en conexion cu ceramento di caminda di Adriaan Lacle Boulevard pa reconstruccion di e parke “oorlogsmonument”. E parke lo wordo connecta cu e “isla” di otro banda y lo bira un solo parke.
E cambio proponi ta trata specialmente di e kavelnan S3A te cu 136. E kavelnan di Rode Kruis y KPA a wordo movi pa motibo di seguridad pa e location na altura di e post di ambulance, pa asina garantisa e acceso y seguridad den caso di calamidad.
Tambe nos kier a informa cu DIP ta cabando di reparti tur vergunning di kavel pa carnaval.
Punto di atencion:
Por cuminsa pone trailers desde 26 januari 2026, y mester kita trailers prome cu 18 februari 2026.
Por favor, corda mantene bo mes na e rekisitonan di e permiso otorga.
