Dokternan di cas a scoge pa bay den accion; AZV ta lamenta postura di dokternan di cas “HAVA”

0
339

AZV ta lamenta postura di HAVA

AZV a reuni cu HAVA, ta den dialogo y a duna proposicion nobo awe…toch HAVA ta bay den accion perhudicando pashent.

Despues di tur esfuerzo di AZV pa reuni cu HAVA awe diadomingo 26 di juli cu e meta pa keda cu dialogo y bin cu proposicion nobo, awor ey AZV a tuma nota cu HAVA toch ta scog’e pa bay den accion. AZV ta haya esaki hopi lamentabel. Ta parce cu HAVA no kier ta solidario cu Aruba den e crisis di covid-19.

Mas aun AZV ta lamenta despues di a cumpli y paga te cu awe practicamente full e omzet di cada dokter di cas, asina mes cu cada dokter di cas a traha cu schedule hopi limita durante e crisis. Nos ta spera cu HAVA recapacita.

LEAVE A REPLY

Please enter your comment!
Please enter your name here