Bikker: Principio di nos democracia ta ‘vertrouwensregel’; Ora no tin confiansa mas den un Minister e mester tene honor na su mes {video}

0
298

Minister Bikker: Den cualke basis cursus di staatsrecht di parlamentaire geschiedenis, bo ta haya cu e sistema parlamentario ta basa riba vertrouwensregel

Durante un rueda di prensa dialuna mainta, Minister di Husticia mr. Andin Bikker a trata e tematica di e impase cu tin cu su colega Minister Marisol Lopez Tromp. Bikker a bisa cu nos constitucion ta hopi claro, no ta existi Minister Independiente. Ora bo fraccion bisa cu nan no ta duna sosten mas na bo persona, esta cu nan no tin confiansa mas, esey ta e vertouwensregel.
Vertrouwensregel:
Vertouwensregel ta un di e principionan di nos democracia parlamentario, cu ta existi pa mas di 200 aña, ta e sistema cu nos a hereda di Hulanda, unda e ta basa riba e vertrouwensregel. Bo mester tin confiansa di coalicion, den e caso aki como minister, y si un of mas parlamentario retira nan confiansa den bo persona, bo tin cu tuma bo retiro. Esaki ta e historia parlamentario y e no a cambia. Na Corsou el’a tuma lugar siman pasa. No ta nos a invente, ta asina e traha.

Marisol tabata incomunicabel cu dos parlamentario di POR:
Den sosten parlamentario, ta e tin mester di e sosten, pues ta e mester busca tambe asercamiento. Parlamentarionan di POR a busca asercamiento cerca dje, pero e no ta duna oido. Nos ta den sistema parlamentario unda parlamento ta hefe di gobierno. Pues ora parlamentarionan ta buscabo, lo ta hopi bon pa bo tambe buscanan y cana e proceso pa restablece e confiansa cu nan a termina den bo. Nada di esaki a tuma lugar.

Si no tin confiansa, Minister mester tuma honor na su mes:
Den cualke basis cursus di staatsrecht di parlamentaire geschiedenis, bo ta haya cu e sistema parlamentario ta basa riba vertrouwensregel, ora un of mas parlamentario cu ta sostene un Gabinete, no tin confiansa mas den un minister, e persona tin pa tene honor na su mes, y e tin pa bay, y como ehempel bibo aworakinan, ta e caso siman pasa na Corsou.
Mi no ta participa mas den ministerraad, pa sinta cu un minister cu no ta pone su mes di acuerdo cu maneho y ta cada ves den prensa bo ta tuma nota di su decsicionnan, y decisionnan cu ta afecta bo ministerio tambe.

Video Minister Bikker 7/27/2020

LEAVE A REPLY

Please enter your comment!
Please enter your name here