Tanki Leendert – Diahuebs 12 di augustus, den oranan di atardi patrouille di districto di Playa a bay un adres cu ta pertenece na compleho di apartments. Eynan lo tawata tin un caso di maltrato.
Na yegada di polis dos persona a wordo deteni, di cual uno lo a resulta mas herida cu e otro. Tambe por a mira cu polis a confisca un obheto largo cu posiblemente lo a wordo usa durante e maltrato.
Transportwagen a ser usa pa transporta un di e detenidonan, mientras e di dos a bay den patruya. Ambulance a ser pidi pa pasa warda di polis, pa controla un di esnan herida. Algun rato despues hunto cu e patruya di Playa BFTO a presenta pa saca potret di cosnan di interes, esaki den cuadro di e maltrato.
