Alto Comisario Interino Vanessa Tjon-Kock:
Dos polis infecta cu Coronavirus
Cuerpo Policial awo ta confrontando nan mes cu contagio di Covid den nan seno. Esey ta loke cu alto comisario interino, Vanessa Tjon-Kock a anuncia durante di un conferencia di prensa di urgencia diamars merdia.
El a sigui bisa cu polis tin un tarea hopi importante cu comunidad pa garantisa tur hende nan siguridad den e crisis pero no mester lubida siguridad di coleganan.
Ta bay tin medida y reglanan hopi estricto pa comunicacion y tambe servicio cu publico. No ta nifica cu no lo bay duna servicio. Si tin cu bisa, teniendo cuenta cu siguridad ci coleganan mester haci esaki.
A indica cu tin cu haci uzo di e conocido mondkapje ora di atende cu warda di polis, pasobra e ta importante, na momento cu ta entrega keho, y tin contacto cu un agente. A facilita coleganan cu ematerial necesario pa nan proteha nan mes.
Awor aki tin hopi bon contacto y acuerdo cu DVG pa loke ta con ta sigui cu e organisacion y con ta sigui draai pa sigui duna servicio pa haci e tarea manera mester ta.
Tjon-Kock ta haci un suplica na comunidad pa compronde e situacion. E ta un scenario hopi realistico, mirando e cantidad drastico cu ta confronta cun’e.
Pa loke ta trata e contagionan na Aruba, cu tambe den e caso aki polis por wordo contagia. Una bes mas, pa Cuerpo Policial ta un situacion hopi fastioso, pasobra naturalmente no ta semper por mantene nan mes na tur exigencia, pero si tin un tarea cu mester cumpli cun’e. Nan tin un compromiso pa Aruba completo, pa siguridad di cada un den e temporada di crisis aki.
Tambe Tjon-Kock ta haci un suplica na e coleganan cu ta sigui’e, pa nan por keda trankil. Tin acuerdonan.
A comunica esaki internamente tambe cu nan, pa nan sa kico ta e acuerdonan cu tin cu DVG, con ta bay om cu tipo di situacionnan aki, mirando cu mando policial naturalmente ta keda cu un responsabilidad hopi grandi, e momento cu ta papiando di un contagio di un malesa di tal indole den un organisacion manera Cuerpo Policial.
Actualmente tin diferente polis ta wordo getest mirando e cantidad cu tin awor aki, manera cu ta conoci. Nan tambe, mescos cu cualkier otro organisacion, tambe ta biba na Aruba, tambe por tin contacto cu diferente persona y tin un cantidad cu ta wordo getest, pero si tin diferente colega, manera coleganan cu a traha na e departamento na Noord, mirando cu for di eynan diaranson tabata tin e situacion andando, cu a haci nan test.
No ta tur resultado ta conoci. Te cu awor aki a haya resultado di dos persona.
Alto comisario Interino a sigui splica cu e momento cu tin un colega cu ta contagia, e no ta “doet er niet toe” unda e ta traha.
E momento mester mantene na e reglanan di higiena mesora. A activa esaki tambe mesora mirando tambe cu desde un principio cuminsa facilita nan cu e material necesario pa proteha nan mes, pero e parti di higiena ta un di e prioridadnan awor aki pa Cuerpo Policial.
Autonan tambe ta den e protocol. Por ripara cu polisnan tin mondkapje. Nan no ta esunnan di mas bunita, pero ta pa nan propio proteccion.
Tambe ta ripara e otro bureaunan ta facilita cu faceshields y tambe na tur warda di polis lo ripara cu ta exigi no solamente pa publico bin cu nan mondkapje, pero tambe tin tur e reglanan stipula, manera cu DVG a splica.
