Despues di e reunion di siman pasa na Parlamento riba e tema di helicopter a bin sali na cla no tin nada malo a sosode den e proceso pa loke ta e acuerdo pa e helicopter. Minister Rocco Tjon a pone mas di 30 documento na disposicion di Parlamento. Entre e documentonan aki tabata tin e contract cu a sera cu e compania y tambe tur documentacion pa loke ta e dos destahonan cu a wordo teni. Pues Por wak cu ful e proceso cu a wordo encamina tabata uno transparente.
Dowers Hostina:
A tuma nota si cu despues di e reunion Parlamentario Dowers tabata hostina y a sali papia yen di disparate. Ironia di bida ta cu ta Dowers ta esun cu a kita helicopter di pais Aruba na 2013 y tambe a laga destrui tur e radarnan cu Aruba tabata tin. Esaki ta sosode ora bo tin un mandatario encarga cu Husticia pero cu a studia pa ta un enfermero. Kisas e por a haci un mihor trabao den salubridad publico ?
Patrick Paskel a cobra durante eleccion 2017 – 70 mil:
Por tuma nota tambe cu amigonan di Dowers a saca yen di comunicado y potret di tempo cu Minister Tjon tabata traha den Cuerpo Policial y KIA pa asina trata di pinta Dowers bon. Y ta logico cu Patrick Paskel ta sali na defensa di Dowers pasobra Dowers a regale por lo menos dos contract. Uno via di Cuerpo Policial y uno via di e propio oficina di Dowers mes. Y den luna di elecion na 2017 Dowers a paga Paskel 70 mil florin.
Dowers mester splica pueblo:
Loke Dowers mester splica pueblo ta, dicon el’a stop e helicopter y bay duna Patrick Paskel 2 contract usando e placa ey di helicopter cu a bin liber.
Nan ta campeon pa tilda tur otro pa friends & family, pero kico esaki ? “boyfriend or lover boys” ?
