E parlamentario Rycond SDN tur dia ta trece ponencianan dilanti cu ta carece di berdad. Ta parce cu e no ta tuma suficiente tempo pa e investiga e historia di acontesimientonan.
Den su retorica e kier cuestiona ta ken a bini cu control financiero riba pais Aruba.
E control financiero tin nomber y faam: Gabinete Eman 1 y 2. Esaki ta cuminza ora cu ex minister di finansas Mike de Meza tabata maneha finansas di pais den rood, creando deficitnan spantoso di 300 miyon pa cada aña cu e tabata minister.
Na 2010 — 300 miyon den rood
Na 2011 — 300 miyon den rood
Na 2012 — 300 miyon den rood
Na 2013 — 340 miyon den rood
Ta aki ta unda Hulanda a cay aden y no tabata por a sigui e vision di AVP pa crea mas y mas debe. Nos ta papiando aki cu Mike de Meza den Gabinete Mike Eman 1, a crea su so, 1.2 biyon na debe y den tempo di bonansa. Ainda nos ta corda cu Mike Eman tabata lesa buki di Paul Kruggman. Ken por lubida?
Na aña 2010, no mag lubida cu Valero a paga 280 miyon di bbo export. Pues, nan a gasta e 280 miyon tambe plus genera 300 miyon den rood.
Despues a sigui otro carta di Gobierno di AVP, unda nan bisa textualmente: GEEN BEZWAAR pa CFT !!
Pues, ora cu Rycond ta gaña lubida ta kende a firma acuerdo pa bini cu CAFT, nos mester dune e potret aki, fecha 5 di Mei 2015, unda Mike a firme cu ORGUYO, pe DEBE cu el’a crea, pa PUEBLO bay PAGA!
