Den cuadro di e sentencia na unda e duo De Ruijter y Williams (Stichting Nos Aruba) mester a rectifia paso nan a bin cu falso testimonio y a gaña ariba hende, ya caba nan no a rectifica un pero dos biaha. E prome biaha nan no a rectifica conforme e sentencia y pesey nan mester a bolbe rectifica pa di dos ves, pasobra sino nan mester paga un boet di Afl. 500,00 pa cada día cu nan no rectifica manera e sentencia (juez) a bisa cu nan mester rectifica.

Pa loke ta trata e segundo rectifiacion, no ta conocí si nan a rectifica conforme e sentencia, pero huez tawata claro. Nan mester rectifica manera cu huez a bisa cu mester pasa y si nan no hasi esey nan mester paga Afl. 500,00 pa día cu nan no cumpli.

E parti hilarico ta cu prome nan no kier a rectifica, huez a condena nan pa valsedad y mentira contra yui di Minister President Evelyn Wever Croes, a consecuencia cu a awor nan mester a rectifica no un pero dos biaha.

Awor ta desconoci si e ultimo rectificación a bay conforme sentencia si of no. E sentencia no ta solamente pa duo De Ruijter/Williams, pero tambe pa 24ora, esta pa Speed Andrade y Patrick Paskel, kendenan mester colabora cu De Ruijter/Williams, pasobra den e sentencia esey ta para. Pues, defacto e sentencia tambe ta conta pa 24ora, unda Speed y Patrick Paskel -pa motibo nan di politiek (lesa AVP) mester duna espacio na e duo pa corigi nan ponencia, e mes espacio cu nan mes duna na e duo pa trece ponencianan incorecto y lastra hende sin ningun prueba.

https://www.facebook.com/watch/live/?v=1375244259482289&ref=watch_permalink

LEAVE A REPLY

Please enter your comment!
Please enter your name here