Den un rapport di Algemene Rekenkamber cu a keda publica na aña 2019, por lesa cu e tres departamentonan di Gobierno cu ta gasta miyones na overtime ta Polis, Kia y CEA. Ta papiando di cifranan miyonario cu ta bay adicional na salario pa e 3 departamentonan aki.
Un di e puntonan treci dilanti ta e dianan di meldziek, unda cu polis ta meldziek entotal 16.000 dia pa aña cual ta un promedio di 30 dia malo pa cada polis.
Tambe a keda resalta cu e luna cu ta cobra mas overtime, ta luna di April, cual ta paga e luna di Febuari cu ta luna di Carnaval.
Polis so ta cobrando 13 miyon pa aña y tur aña ta subiendo. Pa aña 2022 polis lo cobra 16 miyon florin na overtime, si no frena esaki pa e wordo reduci.
E ta manera un spiral cu ta subi subi subi tur aña.
