E organisadornan di festivalnan di carnaval a lansa nan plan pa organisa festival di Soca den luna di November. Den luna di November nan lo organisa varios anochi di pre seleccion di cancionnan di Carnaval. Esaki ta pa stimula pa e cancionnan wordo toca den November y December y e anochi final ta na Januari 2023.
Segun e organisadornan, asina tin mas tempo pa pueblo scucha e cancionnan y pa duna cada cancion nan valor y espacio pa wordo toca.
Si e plan aki sigui su curso, esaki lo mescla cu e temporada di pasco na Aruba y ta kibra un tradicion di nos pueblo unda den luna di November y December e enfasis tabata 100% riba e celebracion di pasco.
SOLO DI PUEBLO a tuma contacto cu SMAC pa asina confirma un que otro, y diparti SMAC nan a informa cu e organisacion di festival no ta di SMAC, sino di MUSICA. E cambio proponi a bini di MUSICA y no ta di SMAC.
