Bibando den un tempo, caminda salud mental di hopi hende ta na peliger, hopi hende pasando mundialmente den cosnan duro, hopi hende cu ta sufri, pero tambe hopi hende cu a danja nan bida, cu droga . Alcohol y inmoralidad y cu awe nan no tin pas.
Nos kier corda tur hende cu e Amor di Dios ta;
Cura herida.
Pordona
Libera,
Cambia bida,
Kita preocupacion.
Kibra cadena.
Vence maldad.
Nunca ta caba.
Lanta curason.
Trece pas den consenshi.
Calma curason kibra,
Ta trece bida nobo.
Pasobra aunke hende por bandona bo, e amor di Dios ta permanece, y caminda e amor di Dios ta, tin bida y bida na abundancia.
Amor di Dios ta mantene nos contento den Cristo Hesus, y ta haci nos mas cu vencedor.
Amor di Dios ta corre cu tentacion, y ta duna nos un Spirito firme pa para contra maldad.
Ora e amor di Dios drenta nos curason, tristesa ta bay, peocupacion ta bay, pasobra caminda e amor di Dios ta esey ta nifica cu Dios su presencia tey, y e ta manifesta den nos.
Pasobra Dios a stima e mundo asina tanto, cu E a duna su Yiu unigenito pa ken cu kere den dje no bay perdi ma tin bida eterna.
Dios ta stima tur hende, no ta importa bo situacion, no ta importa bo color, Dios ta stima bo, aunke con diep bo a cay den maldad, e amor di Dios ta saca bo.
E palabra di Dios ta recorda nos bisando: Ma Dios siendo rico den Su misericordia,pa motibo di Su gran amor,cu cual E a stima nos, hasta tempo nos tabata morto den nos transgreshonnan , a haci nos bibo cu Cristo,( Pa medio di gracia nos a wordo salba.( Efesionan 2:4-5).
No tin ningun hende na mundo cu por ofrece un amor mas grandi y mas poderoso cu e amor di Dios.
Amor tey pa semper, amor nunca ta faya. Dios di berdad ta stima nos, y Su amor no ta temporal, pero Su amor ta eterno.
Ningun hende no a mira Dios,si nos stima otro Dios ta permanece den nos.Y su amor ta wordo haci perfecto den nos. (1 Juan 4:12).
Den esaki amor ta consisti, no cu ta nos a stima Dios, ma cu ta E a stima nos,y a manda Su Yiu pa propisiashon pa nos picanan.( 1 Juan 4;10).
Y nos a conoce y a kere e amor cu Dios tin pa nos.
E amor di Dios ta nos refugio, nos baranca fuerte, nos por sconde den Su amor , su amor ta asina
bunita cu no tin nada cu por compara tampoco iguala, pasobra Su Amor ta infinito.
E amor di Dios ta nos fortalesa e ta kita nos cansancio, e ta duna nos bida nobo, e ta pone un cantica nobo den nos boca.
Tin cosnan den nos bida cu solamente e amor di Dios por soluciona, pasobra e amor di Dios ta simpel, pasobra Dios ta pordona y ta lubida.
Pasobra e serunan por wordo kita y e seritonan por sacudi, ma mi misericordia lo no wordo kita for di bo.Y mi aliansa di pas lo no wordo sacudi.
E Senjor kende tin compasion cu bo ta bisa.( Isaias 54:10).
Den e tempo cu nos ta bibando, hopi hoben ta lanta sin amor, pasobra na cas nan no a ricibi, y esey ta pone cu hopi no tin temor di Dios, ni tampoco misericordia di nan prohimo.
Pero Dios den Su inmenso amor ketu bay ta stima, y ta bisa nan no desmaya.Mi tey pa boso.
Sinceramente, Pastor Marcel Balootje
