Hopi hende ta pensa cu ta dificil pa haya felicidad, pero Testigonan di Jehova ta invita tur hende pa asisti na nan serie di congreso anual cu e tema “Feliz pa semper.”
Testigonan di Jehova ta conoci pa organisa congresonan gratis rond mundo. Anto e aña aki nan lo t’ey atrobe na Hilton, Aruba cu un programa di tres dia pa analisa principionan biblico cu por yuda nos haya felicidad duradero.
Frankie Herms, vocero local di Testigonan di Jehova a bisa: “Ta ken no kier ta feliz? E tema di congreso e aña aki lo splica con nos por ta feliz y con nos por keda feliz. Tur esnan presente lo descubri e berdadero felicidad cu ta bini di un speransa real pa futuro.”
Mas cu 600 hende lo asisti na e evento aki durante e weekend di 7-9 di augustus 2026.
Ademas, lo presenta e mesun programa na 19 congreso internacional durante e aña aki. E eventonan grandi aki lo tuma luga na varios pais manera Portugal, Zuid Africa y Tailandia y nan lo ricibi miles di delegado di rond mundo.
E congreso “Feliz pa semper” lo presenta video y entrevista basa riba Bijbel hunto cu discursonan interesante cu topiconan manera:
- Ta realistico pa kere cu nos por ta feliz pa semper?
- Dicon boso ta preocupa?
- Bo a haya e tesoro?
Hopi hende ta anticipa e episodionan 4, 5 y 6 di “Hesus su sirbishi riba Tera” cu lo ser presenta durante e tres dianan di congreso. E serie di video di 18 episodio ta un descripcion exacto di bida y sirbishi di Hesucristo y ta basa solamente riba e relatonan di e Evangelionan. A presenta Episodio 1 durante e congresonan na 2024 y Episodio 2 y 3 na 2025. E programa di diasabra lo inclui bautismo.
Aña pasa, Testigonan di Jehova a tene mas cu 6000 congreso den casi 500 idioma cu e tema “Adoracion Puro.” Esaki a inclui 19 congreso internacional na 13 pais. Mas cu 12 miyon hende a asisti.
Pa haya sa mas di e congreso “Feliz pa semper” y pa haya un luga mas cerca di bo, por fabor bishita jw.org > Tocante nos > Congreso. No ta pasa collect.
