Ricardo Montaner lo tin un debe di miyones di dollar na Merca y tin hende cu ta puntra si, pa e motibo aki, e por bay prison. Te na e momento aki e artista no a duna un deklaracion oficial.

Hector Ricardo Eduardo Reglero Montaner, mas conosi den mundu musical como Ricardo Montaner, ta un canta autor argentino nacionalisa venezolano cu a gana popularidad pa su exitonan manera: ‘la gloria de Dios’, ‘Tan enamorados’, Bésame’, ‘Me va a extrañar’, entre hopi otro.

Aunke riba rednan social e cantante ta mustra momentonan agradabel hunto cu su famia, aparentemente e ta pasando den un problema grandi relaciona cu placa.

Ricardo Montaner lo tin debe cu belasting di merca.

Segun e revista ‘TVNotas’, Ricardo Montaner lo tin un debe di 2 miyon dollar di belasting na Merca pa su residencia na Miami. Aparentemente, despues di a tende e noticia, el’a bay huntu cu su casa Marlene Rodríguez pa Republica Dominicana.

E medio a bisa tambe cu e negoshi di e artista ‘Café Ragazzi’, cu ta situa na sur di Florida, lo ta pasando den un crisis fuerte pa motibo di mal administracion financiero, pa cual lo a cera y bende e negoshi.

Ademas, e ta bisa cu pa un aña caba e no ta paga e salario completo na e empleadonan di e establecimento y cu nan ya a presenta un demanda contra e famoso.

Despues di a tende e noticia aki, e programa di television ‘La Mesa Caliente’ di ‘Telemundo’ a desea di comunica cu Ricardo Montaner, pero aparentemente nan a wordo rechaza cu e argumento cu pa e momento aki e cantautor lo no duna declaracion.

LEAVE A REPLY

Please enter your comment!
Please enter your name here