Macuarima; For di algun tempo caba Unit Narcotica a traha incansabelmente riba un caso grandi di exportacion di droga for di Aruba cu destinacion Hulanda.

Trahando den equipo Unit Narcotica conhuntamente cu Douane recherche a detecta un cargacion grandi di mas cu 140kilo di cocaina saliendo for di un containter pa Hulanda.

Cu hopi strategia, investigacion y cu cautela a haci diferente entrada hudicial rond Aruba cu a conduci na detencionnan

A detene e hende hombernan di inicial: Y.M.T. naci na Colombia di 45 ana di edad, E.R.F. Naci na Venezuela di 63aña, J.A.C naci na Republica Dominicana di 52aña y e homber R.M.Z. Naci na Aruba di 40aña di edad.

Tambe a detene e hende muhenan di inicial: G.L.C. Naci na Venezuela di 31aña y V.A.R. Naci na Aruba di 57aña.

Durante e entrada Hudicial a confisca diferente articulonan manera: placa, telefon, auto, droga y documentonan.

NO ta descarta cu por tin mas detencion.

LEAVE A REPLY

Please enter your comment!
Please enter your name here