Marisol Tromp (MAS) keto bay ta sigui defende Hulanda. Ta for di basta tempo caba por a constata cu e tin un pacto secreto posiblemente cu Hulanda.

  1. E ta masha contra cu Evelyn y Xiomara ta luchando contra condicionnan unilateral, impono cu pistol dor di soldat Knops.

Segun Marisol, Gobierno mester cumpli cu acuerdo haci cu Hulanda den tempo di pandemia. E tempo aya Hulanda a saca pistol pone na cabes di Aruba “take it or leave it”. Evelyn Wever Croes inteligentemente a bisa: “mi ta firme, pero lo cuminza un lucha pa bringe”.

Pues, Marisol kier hasi politica barata, y kier ta un ignorante di e condicionnan dragonico cu a keda imponi riba Aruba.

Marisol ta ciega su mes pa e prome logro di Gobierno di Aruba, unda a bari COHO for di mesa. COHO lo ta tres Hulandes poni riba cabes di Aruba cu ta sinta den kantoor na Den Haag.

Inteligentemente y exitosamente Evelyn a kraak e COHO ey! Si ta Marisol mester a dicidi, e lo a bay na amen di Hulanda y awe COHO lo ta existi.

Pues cu actualmente Evelyn ta opniendo e RAFT, esey no kemen cu e ta contra supervision, pasobra supervision tin desde 2014 y bon ancla den leynan. E ta bay cu un RAFT ta kita poder di Parlamento di Aruba y esey ta inacceptabel.

RAFT tambe a wordo bari di mesa, pasobra segun Hulanda esey lo garantisa supervision, cual ta un mentira flagrante di Van Huffelen, pasobra e ley local LAFT ta garantisa supervision y no por wordo cambia sin aprobacion di Hulanda.

Pues, kico te pacto secreto cu Marisol tin cu Hulanda? Dicon tur dia e ta sali ta defende Hulanda y lastra su propio pais Aruba?

Mientras Evelyn y Xiomara ta lucha cu un boeterente, un straf rente di 6.9%, Marisol tin pura pa cumpli cu RAFT, sin un bon hustificacion, y e no por pretende cu esey ta pa supervision!

Aki bo ta mira si e calidad di politico. Un cu abiertamente ta pro Hulanda den tur cos y otronan cu ta lucha pa bienestar di Aruba y su pueblo.

Nos ta spera cu Marisol por reflecciona, kibra e posibel pacto secreto cu Hulanda y gara e bandera di Aruba y lucha pa Aruba.

Kiebro y eleminacion di COHO, ta prueba mas grandi cu loke Knops a hasi, impone condicion, cu pistol na cabes, tabata un error graval di Hulanda y Hulanda no tabatin rason pa a actua asina.

LEAVE A REPLY

Please enter your comment!
Please enter your name here