E placa pa drecha Stadion na Dakota y Noord a bay den saco di Patrick Paskel

0
462

Informacion nobo cu a yega na mesa di SOLO DI PUEBLO ta bisa cu tur e placa cu tabatin pa drecha Stadion Guillermo Prospero Trinidad como tambe Stadion Frans Figaroa na Noord a bay den saco di Patrick Paskel.

Tabata cu aña 2017 y 2018 cu sumanan substancial cu ta alcansa mas di 500 mil florin, di un forma cuestionabel, enbes di bay pa renobacion di Stadion, a bay den projecto di mercadeo.
Pero mercadea kico? Pasobra Lotto pa Deporte mes tin su departamento di mercadeo y no tabata ningun motibo pa hustifica dicon e suma aki a termina den saco di Patrick Paskel. Hecho ta keda cu dor cu Lotto pa Deporte a wordo secuestra, y te ainda e miembronan di bestuur ta Fanyette, Janga, Eli Kock y Kamperveen, tur ta bini di AVP, cu te ainda nan ta haci y deshaci cu fondo di Lotto.

Awendia nos seleccion di futbol no por hunga na Aruba, pasobra e placa di mantencion, renobacion y pa mantene e stadionnan up to date, a disparce den forma increibel den saco di Patrick Paskel. Pesey awe nos stadionnan ta descualifica.
Den nos proximo edicionnan nos lo bay expone tur e pagonan haci, unda nos lo documenta cu prueba, con e placa pa renoba Stadion na Aruba a bay den saco di El gordito, e Gonchi di placa. Hecho ta cu e tercio aki no por sigui hinca man den placa di pueblo. Y tampoco e caso aki por bay den doofpot! Mester bin un investigacion den AVB y Lotto pa asina busca drechi ta con tur e cosnan aki por a sosode.

LEAVE A REPLY

Please enter your comment!
Please enter your name here