Ingomar Jacobs, Anabella Fernandez y Deevah Loefstop a slaag pa faha preto.

0
7

Impact Taekwondo Aruba a organisa examen pa 5 atleta y Ingomar Jacobs, Anabella Fernandez y Deevah Loefstop a slaag pa faha preto y Isabella Bogevad y Kianna Krosendijk a slaag pa faha cora.

Grand Master Sra. Marilu de Veer a entrega tur 5 atleta nan diploma y nan faha. Ingomar Jacobs a haña Poom door cu e no a yega e edad ainda pa bisti faha preto. Tur mucha cu no ta junior ainda ta bisti poom.
Impact Taekwondo Aruba a tuma un pauze pa asina cuminsa bek cu les dia 2 di Augustus na Washington Basis School. Monica Pimentel Aruba su prome atleta Olimpico den Taekwondo Sparring ta hopi contento cu Impact Taekwondo Aruba tin mas faha preto cu a forma parti di e grupo.

Tur esnan cu ta interesa pa train Taekwondo cerca Impact Taekwondo Aruba tin e oportunidad di haci esaki dia 2 di Augustus. Les ta cuminsa for di 5:30 – 6:30 di atardi pa tur mucha di 4 pa 8 aña ariba Dialuna, Diamars, Diahuebs y Diabierna. Muchanan di 9 aña bay ariba ta train Diamars y Diahuebs for di 6:30 te cu 8’or di anochi.

Pa mas informacion por WhatsApp Monica Pimentel na 5679341, Facebook: Impact Taekwondo Aruba of Instagram: impacttaekwondoaruba.

Master Monica Pimentel a gradici Grand Master Sra. Marilu de Veer pa examina su atletanan unda cu 3 a slaag pa faha preto y dos pa faha cora.

Alberto Klaber

LEAVE A REPLY

Please enter your comment!
Please enter your name here