E siman aki Avestruz ta sigui den corte. Dia 9 di November corte lo scucha hotelero Biemans. Dia 10 di November ta dia di fiscal unda e lo presenta e caso mes mes contra Benny. Aki te dia cu tur cos lo wordo revela, tur detayes di corupcion, con e proceso a cana.
Mirando e embergadura di e caso, Benny ta colgando na un castigo pisa. Mas aun ora el’a burla di huez, bisando cu e no ta corda.
Algun abogado y experto a bisa SOLO DI PUEBLO cu e castigo lo por ta 7 aña di prison, mas e castigo cu hamas y nunca e por subi lista ni ocupa funccion den gobierno.
E hecho cu Benny kier laba man, y pretende cu e placa cu el’a haya den su fundacion, ta los di e terenonan cu el’a firma, lo no logra convence huez. E corupcion ta mucho bisto y sigur e cantidad grandi e placa envolvi.
Benny ta den su siman di scucha su peticion pa castigo for di fiscal.
