E di 34 edicion di e “Ronde van Aruba” tabata unu exitoso i lo pasa den historia como e edicion mas grandi di tur tempo.
Un total di 813 participante a tuma parti na e evento di coremento di 72 kilometer, procedente di Aruba, Hulanda, i Inglatera. E evento deportivo mas grandi di Aruba, organisa pa Oficina di Deporte di Kazerne di Marina Savaneta, a trese hunto un grupo diverso di participante e aña aki. Mas o menos 10% di e participantenan tabata militar, mientras cu 90% tabata consisti di residentenan local i entusiastanan di deporte for di Hulanda i Inglatera.
E ruta cu hopi reto ront di Aruba a brinda un combinacion unico di prestacion fisico i experiencia insular. Tantu coredonan individual como timnan a entrega actuacionnan impresionante den condicionnan cayente i a wordo aplaudi durante e trayecto pa sostenedornan.
“E capasidad record di participante ta mustra cu e “Ronde van Aruba” ta sigui crece como un evento deportivo cu un conexion social fuerte,” asina Jeffrey Wassenburg, Hefe di Oficina di Deporte na Kazerne di Marina Savaneta, a duna di conoce. “E colaboracion entre forsanan arma, boluntarionan, i e comunidad di Aruba, un biaha mas a resulta den un evento sigur i exitoso.”
