E Compania na West ta train na Bonaire te dia 22 di April. E unidad aki di Ehercito Real Hulandes normalmente ta staciona na Corsou. Meta di e ehercicio ta pa prepara pa Tarea Principal 1: e defensa di Reino.
E ehercicio di e compania ta consisti di varios elemento. Por ehempel, tin un escenario riba e tereno di entrenamento caminda nan mester libra un enemigo ficticio. Tambe e soldanan ta hibando ‘patruya social’ den besindario di Kralendijk. Durante e patruyanan aki, nan ta hiba combersacion cu e poblacion local pa establece contacto i intercambia informacion.
E ehercicio riba Bonaire ta wordu teni debi na e debernan constitucional cu forsanan arma tambe tin den Region Caribe. Por ehempel, un di e debernan aki ta e abilidad pa defende bo mes territorio. Adicionalmente, e Compania na West ta responsabel pa duna asistencia militar ora ta necesario. Pa esaki ta esencial cu e soldanan ta bon conoci cu tur e islanan.
