PONENCIA 1 : esun cu ta paga mester bisa “ pa kico e ta paga y cuanto “.
Di e manera aki ta e “ pagado di belasting “ mester determina con ta organisa enseñansa y ki materia ta duna na educacion .
SI , e representante di pagado di belasting y NO e maestro NI e sindicato NI e político nan so !
E actual sistema con enseñansa ta organisa ta resultado di “ guerra “ pa poder , entre Gobierno y instancianan priva , cu te awe tin enseñansa den nan gara.
Ta necesario pa re-evalua e situacion actual y aplica mas normanan di negoshi ( gasto contra resultado ) pa organisa educacion en general.

PONENCIA 2 : cada sorto di scol na Aruba mester tin su propio “ schoolbestuur “ , por ehempel : un schoolbestuur pa MAVO y cada otro sorto di school cu su propio schoolbestuur.
Di e manera aki un schoolbestuur por maneha cada sorto di scol ( p.e. MAVO ) di forma igual pa tur alumno di MAVO y pa tur docente of trahador di MAVO na Aruba.
E “know how” di MAVO ta concentra e ora bou di UN schoolbestuur SO cu por organisa MAVO pa henter Aruba di un forma mas eficiente den cooperacion cu Gobierno/Parlamento.
NADA di diferente schoolbestuur pa e mesun sorto di scol NI tampoco un persona cu mas cu un tarea den enseñansa ! Bo ta of maestro/trahado of schoolbestuurder , of sindicalista.
No MAS : dos of mas funcion pa e mesun persona den enseñansa of representando enseñansa. Asina ta logra mas participacion/input den enseñansa compara cu e situacion actual caminda e pensamento di e mesun persona nan ta domina y dicidi den enseñansa.

PONENCIA 3 : pago di gastonan di scol mester worde haci pa Gobierno mes/directo pa logra pago igual na docente/trahador nan , na material y na mantencion di scol nan. Awor aki ya Gobierno ta carga cu tur gastonan PERO Gobierno no tin influencia ni control riba loke Gobierno ta pagando ni con pa hacie mihor .Ora Gobierno mes paga tur gasto , Gobierno por organisa e trabou mas eficiente y segun presupuesto ( transparente y controlabel pa Parlamento ).

LEAVE A REPLY

Please enter your comment!
Please enter your name here