Rycond no ta transparente cu pueblo;
E supuesto profesor di AVP cu a druip na varios ocacion caba, te ainda no kier ta transparente cu pueblo. For di basta tempo caba nos a compronde cu nan a skop e sake afor na Universidad di Aruba. Nos a tende varios motibo, pero ta prefera pa e mes splica pueblo, kico e por a haci cu ta asina robes, cu nan por a skop e di Universidad.
Mas tristo ta cu el’a tuma e skop boca cera! Nunca el’a protesta ni tampoco cuminza un caso na corte pa bringa su derecho. Hecho ta cu el’a tuma sla y a prefera di cera boca, dobla rabo hinca den chan, core bay mescos cu cacho “kaja, kaja, kaja”.
E motibo cu e la wordo kita, ta mustra di ta un motibo hopi serio. E mester por a viola reglanan di Universidad di Aruba. Zomaar un profesor no ta perde trabao.
Pues ta keda esableci e hora cu algo tin tras di su retiro op staande voet.
Awendia nos por a tuma nota cu el’a tuma lugar di Donkey Tromp. E ta e burico cu ta wordo manda pa asina trece mensahe pa AVP. Pero? Realmente e ta hiba di gusto pa haci e trabao sushi pa AVP?
Ora no tin tema pa wordo trata, Rycond ta keda hammer riba Minister Endy Croes, lubidando cu Minister Endy Croes si a gana su caso te na Hulanda.
Pues, si Rycon tin cu siña algo di Minister Endy Croes, ta e hecho cu Endy no ta tuma ningun wega di ningun hende. Rycond por bisa mescos? Ta kico el’a haci na Universidad cu ta asina grave, cu e no kier ta transparente cu pueblo?
