Fe ta un di e cosnan mas importante cu Dios a siña nos cu semper nos mester tin. Cu fe tur cos ta posibel. Den bon y den malo. Pero ta tur ora nos tin e fe? Of ta solamente ora cu nos cay den desesperacion, nos ta pidi Dios pa aumenta nos fe? Y ora cos ta bon, nos ta lubida ariba Dios. Nos ta hasta bisa cu ta suerte nos tin cu cos ta bon. Lubidando cu tur cos ta bay segun plan di  Dios. Bon y malo. Y cu nos fe, semper nos ta logra pa sigui Su caminda di felicidad.”….E hende cu Dios a haci husto den Su bista, pa medio di fe, lo biba..” (Rom , 17) Si algo a bay robes, no culpa Dios. Puntra prome con grandi nos fe ta. Pero nunca ta laat. Pidi Dios pordon pa tur pica. Y gradici’E. E dia bon y e dia malo. Pidi’E pa tur dia manda Spirito Santo pa aumenta nos fe.
 
Oracion: Señor pordona mi den momento debil cu mi a duda den mi fe den Bo. Manda Spirito Santo tur dia pa aumenta mi fe pa semper mi sigui cana ariba Bo caminda . Amen.

LEAVE A REPLY

Please enter your comment!
Please enter your name here