Evelyn Wever Croes a gradici Hulanda y Raymond Knops pa su prestamo… ***** Gobierno di Aruba a haya placa fia for di otro financiador
Ta garantisa e placa pa e proximo lunanan pa paga salario, fase, subsidio, dokter y boticanan
Den un discurso nacional diahuebs anochi, Prome Minister di Aruba, Sra. Evelyn Wever Croes a informa cu el’a logra haya otro financiamento cu no ta di Hulanda. Como tal ne momento aki, e no tin ningun precion pa firma cu Hulanda. E condicionnan cu tin ariba mesa actualmente no por wordo guli sin mas. Pasobra dentro di poco e condicionnan lo hinca nos den otro crisis.
Esaki lo nifica cu nos lo no haya mas prestamo tampoco di Hulanda. Pero, si Hulanda ta desea pa negocia na un forma husto, nos por yega na un bon deal pa Aruba, pero awor esey no ta e caso. Pesey mester a busca placa fia otro parti.
Parlamento di Aruba a wordo informa un rato pasa, gremionan sindical y comercial tambe a wordo informa como tambe lidernan policito. Gobierno tin e fondo pa sigui cumpli.
Mientrastanto lo cuminsa ehecuta e plan di reforma segun e “master plan”. Lo bay atende rapidamente cu cinco punto di mas urgencia.
4 september, otro sorpresa di Hulanda, a bolbe cambia condicionnan:
Prome minister a splica tambe cu dia 4 di september a bini tambe un otro sorpresa di Hulanda:
Caft a aproba pa Gobierno Hulandes presta Aruba 204 miyon florin pa di tres tranche, juli – augustus y september. Dia 4 di september a Hulanda a manda bisa cu e suma ta keda mescos, pero pa 5 luna. Pues nan a rek 2 luna mas den e 204 miyon florin. Esaki ta trece un probelma di likides mei mei di crisis. Esaki a haci cu Aruba mester a Sali bay busca e placa cu Hulanda a nenga di fia Aruba pa 2020. Pues, Hulanda a dicidi riba su mes, cu 204 miyon enbes di ta pa 3 luna, mester cubri 5 luna.
Hopi finaciador tin interes:
A haya varios interes di inversionsitanan. Inversionistanan cu conoce Aruba caba for di pasado y sa cu Aruba semper a cumpli. Aruba ta obliga di busca financiamento, aparte di lo sigui conversa cu Hulanda. No por laga nos pais kibra. Si Hulanda mes a fia nos, e placa no ta yega y mester busca otro. Ta den fase pa finalisa e prestamo y ta garantisa pagonan di Septemebr y October.
