Corte di Hoger Beroep a dicta sentencia den caso di ex minister Jacinta Constancia na Curacao y su ex casa. Ambos a wordo condena na un castigo di prison di 21 luna, pa a horta e stichting Buro Ziektenkostenvoorzieningen (BZV). Tambe nan a wordo sentencia pa laba e placa cu nan a haya for di e stichting.

Hues di hof a husga cu e pareha a horta BZV na 2012, door di haci un oferta y un factura pa 40.000 ‘tapaboca’, mientras cu nunca nan tabatin intencion di entrega e mondkapjesnan aki. E stichting a haci un pago di 360 mil florin. E placa a wordo rapidamente manda na cuenta di Constancia, unda despues el’a desparce for di bista di husticia.

E placa aki tabata placa di pueblo. E sospechosonan a haci mal uso di e posicion di Constancia cu e tempo ey e tabata minister di Salud Publico, dor di laga aparenta na BZV cu e idea y e decision pa compra di mondkapjes, a bini directamente di mnister.

Banda di castigo di prison, hof a impone un straf adicional riba Jacinta Constancia, unda a prohibi’ele pa ocupa funccion di Minister pa un tempo di 5 aña.

Constancia y su pareha tin 14 dia pa aplica beroep di cassatie na Hoge Raad na Hulanda.

LEAVE A REPLY

Please enter your comment!
Please enter your name here