Evelyn: Ma haya recibo fantasama di gobierno anterior di 333 mil florin, mi no ta bay paga nan!

0
1945

Prome Minsiter Evelyn Wever Croes a bisa dialuna cu e tambe ta hayando te ainda cobransanan fantasma di Gobierno Anterior. Den e caso aki el’a splica:

Cobransa di gobierno anterior 333 mil florin

Siman pasa ainda, mi a haya recibonan fantasma pa paga di 333 mil florin cu gobierno anterior lo a haci durante añanan 2012/2013 cu nan no a paga. Di un manera of otro nan a wordo gestuit. E ora ami tin cu paganan. “Mi no ta bay paga nan”, Wever Croes a bisa. Ta investiga nan prome. Y si mira cu tin fondo, cu tin base, ora haya declaracion di tur hende cu tabata envolvi, cu por declara cu e gastonan aki a wordo haci di berdad, e ora nos por evalua pa pag’e.

E cosnan aki ta pasa, lamentablemente demasiado frecuente. E storia di trahado spirito, mi sa cu a impacta hopi hende, pero nos tur a yega di encontr’e. Ademas ta practicanan di gobierno anterior cu nos tur sa cu tabata pasa na gran escala. Ami tabata den oposicion y mi tabata denuncianan na gran escala.

Namora di gobierno anterior

Awor, mi ta compronde cu varios persona e tempo ey tabata masha enamora di gobierno anterior y no kier a scucha, cu aworaki, a scuche di minister Marisol Lopez-Tromp a spanta. Mi tampoco no ta contento cu e cosnan aki ta sigui sosode. Pasobra nos a hura cu nos lo para cu mal gobernacion.

LEAVE A REPLY

Please enter your comment!
Please enter your name here