Dialuna den e encuentro cu prensa, Sr. Otmar Oduber a repasa e ponencianan di Marisol Lopez Tromp, unda ta referi cu te tin spirito trahando.
E ex minister a cuminza na bisa cu: Na 2018 mayoria di boso tabata tey na e tratamento di e prome prosupuesto 2018 den staten. Na 2018 mi a entrega na parlamento un lista di e minister anterior di infrascultura (Benny Sevinger) unda cu 72 hende ta traha pe. Un suma di 6.8miyon florin na salario. Nos a bahe cu mas cu 5miyon y e tempo ey den parlamento mi no a solamente duna e lista di e 72 nombernan di trahadornan di e minister anterior, pero mi a duna di tur esnan cu a traha cumi tambe.
Tur esnan cu awe ta insinua, cu porta tabata un fantasma, bo ta bay den parlamento y eyden tin e lista. Bo ta mira exactamente cara di e hendenan aki incluyendo entre otro Sr. Carty. Mes un suma cu bo a wak aki y dia cu e’la wordo tuma, mes un luna e la sigui. Ningun hende den gobierno no por cobra si bo no tin un contract di DRH y DRH no por traha un contract pabo si bo no a pasa un conseho di minister y e no ta pasa conseho di minister si e documentonan su tras, entre otro tin un cuenta di banco local, pasobra si bo no tin un cuenta local tampoco nan no ta paga bo y bo no por haya un contract.
Riba dje directie di financien ta encarga cu ehecucion pa bo, kiermen cu si tin situacion cu tin spiritonan, porta bo mester bay wak e spiritonan cu ta cana tras di e minister na Hooiberg.
Mi a durf bisa cu ami ta un di e unico ministernan tanto di e gobierno aki y esun gobierno anterior, cumi no ta corda, porta mi ta hera, cu na 2018 segun mi na mei, juni ora nos ta traha cu e presupuesto di 2018, a pone un lista completo di tur nomber di tur hende cu ta traha cu Otmar Oduber den su bureau, cu nan function, cu nan salario, pasobra e tempo ey gobierno a hasta pone un maximo, si mi no ta hera 22 hende, cu tabata maximo cu tabata mag di tin naministerio. No manera antes cu mi a menciona, na un minister di infrascultura cu tabatin 72 trahador, un minister president cu tabata tin 157 trahador
