Ex minister di Husticia Rudy Croes a bay sosega

0
332

Diasabra a drenta e noticia cu ex minister di husticia, Sr Rudy Croes a bay sosega, algun minuut pasa di 12’or di merdia, na su cas.

E anuncio a wordo haci pa su sobrina, Premier di Aruba, Sra Evelyn Wever Croes.

Pa algun tempo caba Rudy ta encontra su mes malo, pa cual a lucha hopi cu su enfermedad.

Desde luna di Augustus 2021 por bisa cu Rudy su salud a bira mas delicado.

Rudy Croes como ruman di Berico Croes, tabata fundador di Mep, campañador di Betico su ruman. El’a drenta den politica na 1989, den representacion di Betico, y e tempo ey a logra un sosten di mas di 5000 voto. El’a keda den politica y na 1994 a ocupa e funccion di Minister di Husticia pa prome ves pa un tempo corto. Na 2001 el’a bolbe ocupa e funccion, den dos gabinete di Nelson Oduber 3 y 4, di 2001 pa 2009.

Den su temporada como minister di husticia el’a logra avansa seguridad di Aruba, treciendo radar y helicopter y tabata determina pa reduci criminalidad.

Rudy a agrega un warda di polis mas, e di # 4, cual ta warda di polis Sta Cruz, separando asina e area di Sta Cruz cu tabata cay bao Warda di Noord.

Rudy a crea tambe Warda nos Costa como tambe varios Visibility Team cu tabata opera den Oranjestad y Area di Hotel.

Rudy ta conoci pa su caracter fuerte y nunca el’a ria pa para fuerte econtra di Hulanda, ora e sinti cualke trato menos bon.

Su trayecto mes ta largo. El’a gusta participa den organisacionnan. Un carnavalista total! Musico y cantante di Grupo di Betico y te cu ultimo activo den su organisacion di harley, TTT.

Solo di Pueblo y Famia Croes semper a brinda tur sosten na Rudy, kende porcierto a hasi su esfuersonan pa brinda ayudo na nos emisora Top 95 fm, ora a start e transmicionnan na 1994.

Solo di Pueblo ta extende condolencia na su esposa Damia, su yiu Dione, tur demas yiunan, rumannan, y famianan.

Manera su yiu, nos ta manda condolencia pa Ziggy Koolman. Cu Rudy sosega na pas.

https://www.facebook.com/100005764894733/posts/1879517505583728/?d=n

LEAVE A REPLY

Please enter your comment!
Please enter your name here