Awe pa nos famia di Siribana 4 ta un dia duro cu nos lo no por lubida. Un famia grandi di un tata, mama y 13 ruman a ser sacudi promer dia 10
di januari 1964 pa un accidente grandi, unda nos tata Urbano Oduber dfm. mirando e gravedad di e lesionnan, mi tata a perde e bataya dia 14 januari 1964.

Nos famia a perde esun responsabel pa percura pa nos tur. E tempo nan aya no tabata tin areglo nan pa desgracia na trabao y consecuentemente e compania Americano por a bay sin nunca duna ningun cent pa e desgracia y pa bida di nos tata.

Papa awe nos tur como ruman y familia ta corda ariba bo como un cu a duna nos semper e les di bida cu “ trabou no ta mata, ta flohera ta haci hende perde berguenza. “Traha pa tur locual bo tin y no mishi cu nada cu no ta di bo”. Mi tata semper a traha duro promer na Lago y hunto semper den su cunucu na Siribana y na e dam di Icha. Nos a lanta cu e mentalidad trahador y pa ser balente. Awe ariba bo dia cu bo a bay pa un otro bida nos ta yama bo danki pa duna nos e preparacion durante e tempo cu ainda bo tabata cu nos. Nos a siña nunca ser dependiente y kere cu otro lo yudabo pa solo sali pa bo tambe!
No lastra garoshi, pero traha duro bo mes. Como cu ya ta 58 aña pasa bo por lesa kiko a pasa Urbano Oduber dfm. Papa danki Dios nos tur tey keto bay y mama Felepa tambe a bay serca bo na 2008 aya den e Reino Celestial.

Bida por ta duro, pero bo mes no hacie imposibel den locual abo kier logra y a traha y lucha pe. Papa sigui sosega den e Reino Celestial.

Skibri pa Nel Oduber

LEAVE A REPLY

Please enter your comment!
Please enter your name here