Danki na CEDE Aruba nos por sigui cu proyecto  di Trey-merdia (Afterschool program)  pa hoben y mucha di scolnan secundario y primario (voortgezet y basisschool)

Docentenan cu nan asistentenan ta guia e studiantenan for di ora cu nan yega na nos Centro (situa na Piedra Plat 50) for di 1:30 te cu 5:30 pm. For di dialuna te cu diahuebs. Nos tin tres tipo di pakete, cu of sin lunch na un prijs di famia.

Nos localnan y facilidadnan ta amplio cu airco, uzo di Internet pa estudio, copy machine, uzo di materialnan disponible y tambe nos tin un speeltuin pa e muchanan y un cancha deportivo pa recreacion. 

Aparte di Huiswerkbegeleiding nos tin tambe “Cas di Musica” cu ta brinda oportunidad di haña les den diferente instrumentnan bou gia di docentenan  profesional.

Fundacion Centro Famia Piedra Plat ta traha riba un base social cu ta asisti hobennan den nan formacion y desaroyo escolar. 

Nos coordinadora Juffr. Angy Pichardo hunto cu su team y docentenan dynamico y  professional ta cla pa ricibi e studiantenan pa e aña escolar nobo.

Pa inscripcion por tuma contacto via Whatsapp Cell: 6995545 of E-mail: centrofamiapp@gmail.com por subi nos website: www.centrofamiapiedraplat.com

Nos Fundacion ta desea tur nos studiantenan exito pa cu e aña escolar nobo y tur docentenan nos ta desea hopi pasenshi, amor  y sabiduria pa cu e trabou tan importante den eseñansa di nos muchanan y hobennan. Cu Dios ilumina boso tarea tan dificil awendia.

LEAVE A REPLY

Please enter your comment!
Please enter your name here