Cu mirada riba e futuro y teniendo cuenta con e Problema cu e situacion di Droga, Alcohol y Trauma, ta creciendo:
Fundacion E Fortalesa y Sosten pa famia ta ofrece un link, pa tur Hende Muher muher cu ta pasando den e situacion delicado cu uso di Droga, Alcohol, y Trauma un Link caminda nan por inscribi y asina nos por cuminsa haci tur locual ta na nos alcance pa yuda, pasobra e situacion ta hopi serio.
E link ta lo siguiente: https://www.facebook.com/richlliene.deluvia/posts/please-share-pa-nos-jega-na-nos-meta/10165929681027139/
Di un forma respetuoso y confidencial nos kier dal un stap mas pa aserca esnan cu tin mester di ayudo.
Na momento cu un hende muher registra nos lo tuma contacto y eynan nos por conoce e nececidad berdadero.
Nos ta na altura cu e necesidad ta grandi, y ta parce manera tin un desesperacion grandi, pero nos tin cu corda cu locual nos ta cosecha awe, ta locual tin hopi anja ta bin creciendo y pa hopi anja a wordo hunga cu sentimento di hende, a wordo neglisha y hopi anja di hendenan cu a kere cu nan por domina droga y alcohol, y cu nan por sigi maltrata nan curpa y wordo maltrata.
Di berdad e situacion no ta facil, pero cu yudansa di Dios na prome lugar, nos lo logra.
Fundacion E Fortaleza y Sosten pa Famia, ta sigi pa dilanti cu nan proyecto pa construi un Rehab & Trauma Center exclusivamente pa Hende Muher , caminda bida di hende muhe lo wordo reconstrui. Hende muhe lo tin lugar amplio pa keda y e Nazorg necesario lo tey, y ora e Hende Muhe ta cla, e lo no wordo poni riba caya sin lugar di biba.
Pero lo tin lugar pa e por keda mientras cu e ta warda riba trabao pa e traha y un lugar pa e biba.
E mihor solucion contra uso di droga y alcohol ta: NO MISHI , para leu, aleha, aparta, no bay den ningun aventura, no hunga super woman, pasobra hopi a kere, pero e resultado a demostra otro, cual ta hopi doloroso.
Pesey awe mes tuma bo tempo como dama y si bo ta pasando den e dificultad cu uso di droga y alcohol of pasando den trauma, inscribi bo mes.
No warda te na e momento cu bo perde bo trabao, perde bo cas, perde bo matrimonio y bo famia.
Nos ta desea pa duna bo un man pa bo recuperacion.
Sinceramente : Fundacion E Fortalesa y Sosten pa Famia.
Tel 7403237/ 6619150.
