Diamars mainta Camara di Comercio a tene un reunion habri riba HOFA. Parlamentarionan Rocco Tjon y Evelyn Wever Croes a acudi pa scucha e presentacion di HOFA. Sinmbargo e reunion a dal un buelta sorprendente. Minister Geoffrey Wever a exigi pa parlamentario Rocco Tjon y Evelyn Wever-Croes sali for di reunion na Camara di Comercio (KVK), prome cu e reunion riba HOFA por a cuminza.
E reunion a tuma lugar diamars mainta, unda minister tabata bay informa representantenan di comercio tocante e tema di HOFA. Sinembargo, segun Geoffrey Wever, e no tabata dispuesto pa discuti e tema den presencia di miembronan di oposicion.
Debi na esey, tanto Rocco Tjon como Evelyn Wever-Croes a mester bandona e sala, pa asina e reunion cu comerciantenan por sigui su curso. Sra. Wever Croes a bisa cu naturalmente el’a bandona e reunion, pero ta dicon e condicion aki, pa papia di HOFA? Ta solamente un hende cu lo bay troce berdad, gaña, pinta un cos bunita, lo tin miedo pa Sra. Wever Croes scucha su ponencianan.
Esaki ta un señal, cu Gobierno di AVP Futuro ta hopi mal para y hopi swak, ya cu un tema asina importante, si bo ta sigur di loke bo ta bay splica, lo bo haciele dilanti television mes pa Aruba wak bo.
