Gerbert Kunst ta despedi di e puesto di Representacion di Hulanda na Willemstad entrante 1 di maart 2027. Riba su propio peticion a termina su encargo mas trempan, pa motibo di circunstancianan priva. Gerbert Kunst a keda apunta como Representante di Hulanda na Aruba, Corsou y Sint Maarten riba 15 di mey 2025.
Gerbert Kunst: “E ultimo añanan mi por a experencia den e parti Caribense di Reino con bo por yega na resultado cu conexion y igualdad. Mi a haci esaki cu hopi placer. For di e conviccion fuerte cu como cuater pais den Reino cu ta partner igual nos por logra mas cu individualmente. Hunto cu mi coleganan na Representacion di Hulanda na Willemstad, Oranjestad y Philipsburg, mi a dedica mi mes pa entre otro fortifica desaroyo economico, duna sosten na sectornan social y topiconan manera seguridad di cuminda, durabilidad y resistencia pa crisis. E vinculo caluroso cu mi a desaroya den tur tres e paisnan lo mi keda cune pa semper. Pero, tin biaha tin buelta inespera den bida y esey ta pone cu mi ta sintimi forsa pa regresa Hulanda.”
Barbera Wolfsenberger, director general di Relacionnan den Reino: “Ta lamentabel cu Gerbert ta tuma despedida di e puesto na Willemstad mas trempan. Mi ta aprecia cu e ta dispuesto pa pospone su partida cu algun luna. Mi a siña conoce Gerbert como un homber cu hopi entusiasmo y comprometi, cu curason pa Reino y un persona conectado importante pa nos partnernan cerca gobiernonan, empresanan, institutonan di conocemento y e sector social.”
Representante suplente na Aruba, Corsou y Sint Maarten Marieke van der Linden ta tuma e encargo como Representante suplente entrante 1 di maart. Debi na e regreso trempan, di tur dos banda a busca un funcion nobo na Hulanda. Entrante 1 di maart Gerbert ta bira e director nobo di ‘Kennis, Internationaal, Europa en Macro-economie (KIEM)’ y tambe Director di e ‘Cluster Bestuursondersteuning’ na Ministerio di Asuntonan Interno y Relacionnan den Reino (BZK).
