Glenbert a actua corecto den caso di ilegal;  Den cuadro di “bijzondere band” no por a laga un baby Arubiano sin su tata

Ras Grandi di Warda nos Costa y Krammes mester siña respeta Minister

Glenbert a actua totalmente den cuadro di ley

Ta increibel ora nos mira e dramatisacion y comportacion di algun miembro di Warda nos Costa y e director di e instancia aki, expresa nan gal riba Minister Glenbert Croes. 

Kico te caso?  Tin un tata ilegal,  cu tin un yiu Arubiano y un mama Arubiano cu desde 2019 ta pidiendo y hasiendo tur e proceso pa haya un permiso.  Enberdad e persona a wordo gara,  y berdad e ta ilegal.  No tin duda riba esey!    Y consequentemente e lo mester wordo expulsa tambe di Aruba.  

Sinembargo,  Minister Glenbert Croes a bay evalua e caso mas profundo,  y tin desaroyo nobo,  unda e ilegal tin un yiu Arubiano.  E mama ta Arubiano.   Nan tin fecha pa casa dia 8 di februari 2022.   Dos cos por pasa:   Por expulsa e tata e lo bay su pais, unda sea e lo bolbe bek of lo keda sin bolbe.   E decision aki ta laga un baby Arubiano bandona sin tata.   Tin un DNA test pa proba cu ta su yiu.  Tin fecha pa nan drenta enlance matrimonial.    Ta husto pa trata e baby Arubiano asina?  Expulsa su tata?  

Minister Croes a bisa cu den su maneho tin tambe e ‘bijzondere band’,  cual ta ancla den su maneho y e  caso aki ta den concordiancia cu e maneho.   Aki tin un bijzondere band entre yiu Arubiano y tata.   

Mas cu claro,  Warda nos Costa,  dirigi pa Ras Grandi,  cu ta bin di Grupo di Dowers no ta nada contento, pasobra e kier ta minister y e kier haci show na Warda nos Costa.   Ademas nos a bin compronde,  cu no ta e t’esun cu ta trata tur hende malo y ta steek op tur hende contra MEP?   Awor ta bin resulta cu Ras Grandi ta den mes un bootje cu Krammers,  pasobra ata Krammers tambe a bula riba Minister Glenbert Croes.    Ta di unda Krammers a saca e poder ey?    Bo no ta Minister y Minister ta tuma decision.   Den e caso aki a considera e VTA pa un permiso valido, esta ‘bijzondere band’. 

Si Krammers no kier a saca e ilegal,  dicon el’a firma e ‘heengezonden’?

E conclucion ta cu Warda nos Costa, o alomenos un Grupo di Dowers den Warda nos Costa kier boycotea e gobierno aki.   Minister Rocco mester pagatino cu e grupo aki,  cu pa tur cos kier destabilisa y rebeldia. 

Nos ta kere tambe cu Krammers,  maske si e ta rabia,  e mester corda riba su funccion y cu Minister Glenbert Croes ta keda su autoridad mas halto cune y si e no kier traha cu Glenbert Croes, anto e mester busca caminda di bay.