Ministerio Publico a informa diabierna atardi, cu nan a cera un deal cu Pristine Estates Nv, cu a paga 1 miyon florin ( 1.000.000) pa asina nan acusacion wordo elimina.
Pristine Estates Nv a wordo yama pa presenta dilanti huez dialuna awor, pa asina scucha tur e cargonan cu tin contra dje. Ministerio Publico ta confirma cu nan tin suficiente prueba cu tin “actieve omkoping”, esta soborno, unda Prsitine Estates a cumpra Benny, paga Benny pa firma tereno pa nan.
Ministerio Publico no a informa kico te preuba cu nan tin, pero e soborno por a tuma lugar na varios forma, sea placa cash, of na cualke otro forma cu ta ricibi beneficio.
Nunca antes nos por corda cu un compania of director di compania a prefera di paga 1 miyon florin y no acudi na corte pa defende su mes.
Pues, por mira aki, un acceptacion. Nos ta interprete cu Pristine Estates ta admiti culpabilidad. Pasobra si no tabata asina, lo ba acudi na huez pa splica huez cu bo no a cumpra Benny y fiscal ta mirando e cos robes.
Obviamente bo no por ni kier presenta dilanti huez, pasobra kisas e pruebanan ta asina fuerte cu te hasta bo kier scapa e berguenza ey.
Hecho ta keda cu e decision aki, lo no afecta ningun otro acusado of haci nan peso menos. Alcontrario, e hecho cu Pristine Estates a paga 1 miyon florin, practicamente el’a kibra e defensa di Benny. Abogado David Kock tin mas dolor di cabes awor. Pasobra e ta parce mas un acceptacion. Pues esaki ta swak e defensa di Benny masha hopi mes.
Den henter e asunto di tereno aki, ta ser calcula cu Benny a logra facilita tereno na su amigonan, pa cual terenonan a wordo bendi na mas cu 100 miyon dollar. Un tereno a wordo bendi pa 8 miyon dollar. Asina aki tin hopi mas tereno.
E caso lo cuminza dialuna awor, unda Benny mester presenta dilanti corte pa asina scucha tur e fechanan y horarionan cu su caso lo wordo trata. E motor di Diesel a start! E caso di mas grandi di corupcion unda politiconan di AVP a horta patrimonio di pueblo pa asina enrikese nan mes. Tur esaki a pasa bao wowo y nanishi di Mike Eman.
Mike Eman tambe a haya parti di e bolo? Pasobra e no tabata por a laga Benny for di lista di eleccion. Tabata parce un percion enorme riba dje, pa asina e tene Benny contento?
