E comision encarga pa recauda fondo pa renoba Centro Pastoral Aruba (CPA) ta participa, cu si bo no a haya chens ainda pa coopera cu e bingo pa yuda CPA drecha e aula, cu ta bay tin un Bingo Drive-Thru di dialuna 31 di augustus te cu diabierna 4 di september 2026 y e orario ta di 4:00-7:00 pm na CPA mes.
Durante e dianan aki, pa bo cumpra bo Bingo, bo mester pasa den e caminda pabou di Notario Tromp, sigui core ta na e porta grandi di hero na bo man drechi bay aden na e local di benta. Esaki ta bo chens pa cumpra bingo y gana premionan fabuloso diasabra 5 di september 8:00 pm na Club Caiquetio. Un danki di curason pa yuda e unico Centro Pastoral di nos pais!
E comision encarga pa recauda fondo pa renoba Centro Pastoral Aruba (CPA) y pa mehora e facilidadnan na e centro aki, ta bay tene un grandioso Bingo diasabra 5 di september venidero.
E Bingo ta tuma luga na Club Caiquetio y e orario ta 8:00-11:00 pm. Porta ta habri 6:00 pmy tur cos ta na ordo pa tur bon amante di bingo. E comision ta participa cu tur fondo cu recauda durante e evento aki, ta destina pa renobacion di e unico centro cu Aruba tin di e indole aki.
Ta pidi pueblo di Aruba pa duna un man, ya cu pa hopi aña CPA situa na Sta. Cruz a sirbi como un centro di encuentro, capacitacion, liderazgo, retiro, formacion di hobennan y actividadnan comunitario. Si acaso bo ta desea di yuda bende of cumpra bingo pa duna bo aporte na e bon causa aki, bo por tuma contacto libremente cu cel 5657176 pa mas informacion y of pa delivery.
