Grupo Scout Santanero (GSS) di Oranjestad y Grupo Scout St. Paulus-Michael (GSSPM) di San Nicolas a uni diadomingo ultimo pa tene nan cena di Pasco na Boulevard Events. E mesun anochi a honra nos miembronan cu a destaca den 2024 pa medio di nos Award Ceremony.
Tabata un anochi yena cu felicidad, entretenimento, espectativa y emocion caminda e miembronan di tur unidad, tanto Bever, Welp, Verkenner, Explorer y Lidernan a reuni hunto pa celebra exito y logronan cosecha durante 2024 y na mesun momento pasa un rato hopi ameno hunto den hermandad scout.
Durante e Award Ceremony a keda honra:
-Matthias Kelly como Bever di AƱa pa GSS
-Renzon Henriquez como Bever di AƱa pa GSSPM
-Yanick Valdez Hernandez como Welp di AƱa pa GSS
-Juan Carlos Dorcas como Welp di AƱa pa GSSPM
-Santiago Navarro Colina Perez como Verkenner cu mihor grado di atendencia pa GSS
-Day-N Henriquez como Verkenner cu mihor grado di atendencia pa GSSPM
-Kelly-Ann Arends como Verkenner di AƱa pa GSS
-Diego LondoƱo como Verkenner di AƱa pa GSSPM
-Ismara Luckhoo como Explorer cu mihor grado di atendencia pa GSS y GSSPM
-Chris Semerel como Explorer destaca pa Scout & Campskills alavez Liderazgo y Servicio pa GSS y GSSPM
-Jaylan Ridderstaat como Explorer Nobo di AƱa pa GSS y GSSPM
-Chris Semerel como Explorer di AƱa pa GSS y GSSPM
Scouting ta brinda un desaroyo holistico na e hoben pa medio di su metodo educativo cu ta enfoca riba desaroyo Fysico, di Caracter, Creativo, Afectivo, Social y Spiritual. Durante nos encuentronan semanal, campamento, actividad, training di drumband nos hobennan ta pasa den diferente reto y proceso di formacion pa por ta miho ekipa y asina Prepara pa Bida! Di mes forma Scouting ta desaroya hobennan cu capacidad di liderazgo y pensamento critico.
GSS y GSSPM ta miembro di Scouting Aruba, e asociacion nacional cu ta coordina e 12 gruponan scout local rond di Aruba cu ta consisti di 450 miembro actualmente. Funda desde 23 di april 2000 actualmente cu 24 aƱa dirigiendo e movemento na bienestar di nos pais Aruba.
E movemento scout na Aruba ta existi pa mas di 94 aƱa caba y cu bista riba futuro lo sigui brinda Scouting di calidad halto na nos isla basa riba e metodo scout y e asociacion su plan strategico pa medio di lidernan cu compromiso y responsabilidad pa guia nos miembronan.
Pa mas informacion por tuma contacto cu nos na 5945129 of email: scoutingaruba@msn.com
