Haci uso awor di Kiwanis Valentine Fundrasing Auction!

0
58

Durante temporada di COVID-19

Oranjestad – Dia di San Valentin (“Valentine’s Day”) ta asercando y aña aki e Kiwanis Valentine’s Auction ta ofrece bo un oportunidad unico pa busca un regalo orginal pa bo ser keri. Kiwanis Valentine’s Auction ta un plataforma virtual (“on-line”) unda ta encontra un sortido grandi di regalonan atractivo pa Dia di San Valentin. E regalonan ta varia di cena pa dos persona te na estadia den hotelnan local y otro articulonan exclusivo; tur cuminsando na prijsnan masha atractivo.

Kiwanis Valentine’s Auction ta un iniciativa di Kiwanis Club of Palm Beach pa recauda fondo pa nos communidad. E fondonan ta destina pa metanan charitativo cu enfoque riba muchan chiquito. Kiwanis Valentine’s Auction ta un proyecto digital cu a surgi como acividad alternativo di e Club pa recauda fondo durante e pandema di COVID-19. Mientras cu e regalonan ta ofrece un experiencia romantico, na e mesun momento lo bo ta aportando na nos communidad y durante un temporado cu nessecidad ta halto.

Pa haci uso di e oportunidad unico aki, tin cu bishita y registra mas pronto posibel riba e website di e Kiwanis Valentine’s Auction na: https://kiwanisauctions.com/. Tambe ta posibel pa bishita e Club su Facebook page na: www.facebook.com/kiwanispalmbeacharuba. Ta posibel pa participa te cu dia 12 di Februari pa 12’or di merdia (12:00 p.m.) pa despues e ganadornan por haya nan regalo na tempo pa dia 14 di Februari, si ta desea di haci uso di dje riba e fecha ei. Naturalmente tin espacio pa haci uso di e regalo depues di e fecha aki, manera cu bo mes lo desea.

Kiwanis Club of Palm Beach Aruba kier tuma e oportunidad aki pa extende palabranan di gradicimento na e empresanan y personanan cu a haci un donacion na e Kiwanis Valentine’s Auction. Danki na e sponsornan aki a logra di realisa e iniciativa aki cu ta dedica na proyecto charitativo cu enfoque riba muchanan den necesidad.

Kiwanis Palm Beach ta pertenece na e organizacion global Kiwanis Internacional cu ta un instancia caritativa dedica na haci nos mundo mihor door di cambia un communidad pa medio di un mucha cada bez. Mas informacion por haya riba: www.facebook.com/kiwanispalmbeacharuba

LEAVE A REPLY

Please enter your comment!
Please enter your name here