SOLO DI PUEBLO a haci un investigacion riba gastonan di personal di Gobierno. .
E pregunta : Personal di Gobierno a subi? E contesta ta definitivamente un no! Tin 351 persona menos trahando na gobierno for di 2017.
SOLO DI PUEBLO a haci uso di varios raportahe publico pa anlisa, si el’a subi of baha! Nos investigacion a duna siguiente resultado:
Acuerdo 2018 cu Hulanda pa baha gasto di personal:
Desde November 2018, tin un protocol cu ta bisa cu e gastonan di personal pa aña 2018 por ta maximaal 479 miyon y mester baha nominal segun e plan FEM. Despues di 2019, pa cada aña despues e gasto mester ta menos cu e aña prome na rason di 3 miyon.
Texto di protocol:
- Aruba draagt met het oog op duurzame overheidsfinanciën zorg voor een trendbreuk in de ontwikkeling van de personeelslasten en realiseert een jaarlijkse nominale daling van de personeelslasten waarbij het ijkpunt per 1 januari 2019 AFL 479 mln. inclusief werkgeversbijdrage is.
- Met de inzet van de beleids-instrumenten opgenomen in het addendum op de FEM, het Beleidsplan Verlaging Personeelslasten, zal gestuurd worden op een nominale daling in de personeelslasten in de jaren 2019-2021.
Esaki ta yega na e siguiente norma vs realidad:
::::::::::::::Norm. ::::::::Realidad.
2018 – 479 miyon. 476 miyon
2019 – 476 miyon. 475 miyon
2020 – 473 miyon. > 428 miyon
2021 – 470 miyon. > 418 miyon
2022 – 467 miyon. > 433 miyon ( projeccion)
Di cuanto hende nos ta papia cu ta emplea na Gobierno?
Na final di 2017 na salida di AVP, tabata tin 4869 hende ta traha den Gobierno.
Na fin di 2021 el’a baha na 4518.
Den termino absoluto e la baha cu 351 persona cu ta 7.2% den cantidad di persona.
Kico esaki ta nifica den placa?
E gastonan di personal tambe a baha durante e añanan ey.
Na 2018 e tabata na 476.4 miyon. Na 2019 el a baha cu -0,3%, na 2020 el a baha cu 10% y na 2021 el a baha cu -2,3%. Na aña 2020 y 2021 debi na e recorte di 12.6%, e gastonan a baha considerablemente.
Den 2022 e ta subi poco ya cu tin proyecta pa duna 5% bek di e 12.6%.
Y na 2023 e ta subi pasobra mester duna e 12.6% bek.
Ta negociando norma nobo pa den landspakket
Segun Prome Minister a indica, cu den cuadro di e Raft, Gobierno ta negociando un otro norma di personal cu e norma anterior di 479 miyon florin. E norma nobo cu Gobierno ta negociando ta di 10% di GDP y esey Gobierno tin 5 aña pa yega y no ta mucho leu di esaki tampoco.
Cuanto e % di GDP ta actual?
E porcentage actual, segun Caft ta 12.1% di GDP. Pues den e norma nobo, tin ainda pa reduci 2.1% di GDP for di gasto di personal pe yega 10%.
Segun Gobierno a bisa cu e norma nobo pa alcansa 10% di GDP, tin 5 aña pa yega na dje y esaki ta totalmente alacansabel, mirando e diciplina y forma structural cu a baha gasto di personal.
Esaki ta un noticia sigur positivo, cu desde 2018 pa 2022, un total di 5 aña, e gasto di personal a conoce un trend di solamente bahada.
