Parlamentario Rycond SdN di AVP a tene un rueda di prensa diabierna dilanti Lotto, pa habr’i afo riba e kiebro di contract cu CBN, y criticando Minister Endy Croes.

Basicamente e ta mustra masha rabia cu a kibra contract cu CBN y lo negocia un nobo na beneficio di deporte.

Dicon e ta rabia? Ta interes di KEN Rycond ta defende na Lotto?

El’a trece un cantidad di ponencia cu cifras y con e reparticion di e inkomen di Lotto ta.

Pero, Rycond no ta kere Nicole Hoeverts? Kende a denuncia e mal hecho cu Lotto no ta aportando na deporte? No ta pagando fundacion subsidio di deporte?

Ora Rycond ta punta dede riba friends and family, of riba famia Croes, e mester tene hopi cuidao di su palabranan, pa si encaso e mester traganan bek.

SOLO DI PUEBLO ta recomende pe baha su tono un poco, Een beetje lager Rycond, pa kisas den futuro cercano, si e mester traga bek su palabranan, e lo no ta mucho duro pe.

Bida ta yen sorpresa y no ta cumbeni Rycond hinca su man den candela pa ningun hende cu tin interes special. Su man por sali preto preto!

Nos lo lage te aki, y den forma vriendelijk ta hala su atencion, pe bay cu cautela!

Nos ta lage te aki, y e articulo aki lo wordo continua.

LEAVE A REPLY

Please enter your comment!
Please enter your name here