Hesus tawata sa con e hendenan ta pensa y El a puntra nan kico ta permiti pa haci riba sabat y pa scoge for di dos opcion, bon of malo. Hesus no a husga nan pero a duna nan oportunidad pa nan por pensa y scoge pa nan mes. Dios no ta impone riba hende sino E tur ora kier educa hende pa scoge loke ta miho. E homber a cura y e hendenan te hasta a bira furiosio y discuti kico lo nan por a haci cu Hesus. No tawatin compasion pa e homber ni alegria pa e sanacion. Un regla of un dia di siman tin mas balor cu hende. Nan no a realisa con malo nan ta pero Hesus a siña nan discerni. Un curason cera pa Dios no por discerni. Dios kier hende ta liber pero hende ta scoge pa pega na loke ta malo.
Oracion: Señor, regala gracia pa nos habri curason pa Bo y yega na discerni p’asina disfruta di e libertad y paz cu Bo mes ta ofrece nos. Amen.
