Mas persona lo wordo busca pa wordo interoga y posiblemente deteni

ORANJESTAD — Hof di Curacao dicidi diabierna mainta cu Otmar Oduber mester bay sera bek.

Corte Superior a duna ordo awe pa detencion di e sospechoso Otmar Oduber den e investigacion Flamingo pa un termino di ocho dia.

E peticion pa suspende e detencion a wordo rechaza. Corte Superior a determina cu tin suficiente ernstige bezwaren di estafa ora di uitgifte di terenonan erfpacht y nombramiento di ambtenaarnan spirito. E sospechoso lo wordo traslada pa Huis van Bewaring.

Corte Superior a trata e siman aki e apelacion di Ministerio Publico contra decision di huez-comisario tocante detencion di e sospechoso. Ministerio Publico a apela e decision aki di 24 di mei di huez-comisario pa nenga detencion di e sospechoso en cuestion.

NOTA: Un di e motibonan usa pa Ministerio Publico ta cu nan tin entre 5 cu 10 hende pa bay overhoor y posiblemente detene. Pues den e dianan cu ta sigui, nos por mira cu oficina di landsrecherche lo ta hopi druk cu 10 persona cu lo por keda deteni.

LEAVE A REPLY

Please enter your comment!
Please enter your name here