Ningun momento CAFT a bisa cu Gobierno a gasta MAS placa den Goederen en Diensten

Realidad ta cu semper Gobierno a gasta menos!

Den e ultimo dianan por tende oposicion ta critia tur dia, cu Gobierno a hisa su gastonan di goederen & diensten, y mesora nan ta flori’e cu ta pa paga Friends & Family. Goederen en Diensten ta un ‘kostenpost’ cu gobierno ta usa pa boek gastonan relaciona cu compra di producto y servicio, pa tur su departamentonan.

Den un carta di CAFT, nan ta bisa cu Gobierno a presupuesta 39 pa 40 miyon extra na gasto di goederen en diensten den comparacion cu otro añanan y mirando cu nunca ta yega e suman aki, nan ta pidi pa reduci e suma den presupuesto na loke realmente ta usa. CAFT no a bisa cu gobierno a GASTA den Goederen en Diensten, sino a presupuesta!

GASTO REAL TA 180 MIYON:

E realidad ta cu Gobierno pa varios aña caba ta traha un prespuesto, pero e resultado real ta cu gobierno a realisa un gasto pro medio di 180 miyon florin den e gastonan aki.

GOBIERNO A AHUSTA E PRESUPUESTO CU 13 MIYON:

Pa aña 2022, Gobierno a prespuesta ( lesa bon!!!) 226 miyon florin. Durante reunion di presupuesto, Gobierno a reduci esaki cu 13 miyon florin, unda a haci’ele 213 miyon florin.

Tin un diferencia grandi entre presupuesta cu gasta. CAFT nunca a menciona cu Gobierno a gasta 40 miyon extra, sino a presupuesta!!, pero despues a reduci e suma presupuesta cu 13 miyon, pa 213 miyon. Cu a presupuesta 213 miyon, no kemen cu a gasta e suma ey.

Minister Xiomara Maduro a bisa diabierna mainta: A informa CAFT, cu di 2019 pa 2022, gastonan di subi cu 28 miyon florin, debi na varios gastonan:

Trabaonan di DVG: 7.5 miyon
Huur kantoor inventaris: 5 miyon pa software y hardware pa KPA, belasting, Censo y dept. Finansas
Overige aanbestefing: 3.4 miyon florin pa Serlimar
Medische benodigheden: Cuido Medico pa detenido y adicto: 2.5 miyon florin
Overige uitgaven, awa, coriente, gasolin: 2.3 miyon florin
Huur Departamento Cultura y Enseñansa na edifico JFK: 2.2 miyon florin
Inovacion pa scolnan: leer en hulpmiddelen 2.9 miyon florin
Gaston di telefon y internet den pandemia: 1.7 miyon florin
Deskundig advies: 900 mil > Gastonan di automatisacion/ DIMP
Opleiding cursus: 900 mil florin

Esaki ta un splicacion di e subida di 28 miyon florin di e gastonan relata na goederen en diensten.

LEAVE A REPLY

Please enter your comment!
Please enter your name here