E parabola di e rey cu ta Dios Tata ta invita henter humanidad diariamente na e fiesta di casamento di su Yiu Hesus cu ta e bruidegom y nos cu ta su pueblo ta e iglesia cu ta e bruid. Esey ta simbolisa cu Dios ta haci un yamada universal na tur hende pa su salbacion y pa drenta su reino pero solamente un minoria ta responde cu un fe sincero, un obedencia real y un cambio di bida berdadero. Hopi biaha nos ta haya e yamada pero nos ta ignora y rechasa e yamada pasobra nos ta druk bezig cu nos mes quehaceres. Mester tin un contesta responsabel: no basta acepta e invitacion di pafo; mester biba di acuerdo cu e normanan di Dios. E ta un advertencia cu hopi persona ta ricibi e gracia di Dios pero poco ta responde na e compromiso y dignidad cu e Evangelio ta rekeri. E ta mustra e rechaso di e yamada divino y e necesidad di un bida transforma.
Oracion: Tata Santo crea den mi un curason, Dios cu ta limpi, hinca un spirito nobo y fiel den mi paden.( Salmo 51) Renoba mi interior pa mi por biba di acuerdo cu bo boluntad y pa mi ta digno di acepta bo yamada pa drenta den bo reino pa medio di bo Yiu Hesus. Amen.
