Diaranson mainta corte a dicta sentencia den e caso cu Claudius Phillips a cuminza contra Daury Rodriquez.

Daury Rodriquez sosteni pa grupo Ta Basta a hasi expresionnan difamatorio contra Claudius riba facebook y cu despues a bay viral riba whatsapp.

Ta tilda Claudius pa un pedofiel.

Despues di a scucha e defensa di Daury Rodriquez, e no por a trece prueba. Referi na un sentencia di 2011 unda a haya foto di pornografia infantil, no ta prueba acto di pedofilia. Pedofil ta un acusacion serio.

Huez a duna Daury 24 ora pa rectifica via di mes manera.

Si e no cumpli, E lo mester paga 500 florin pa dia te cu 25 mil florin.

Esaki ta otro caso mas unda mester rectifica. Den ultimo aña nos a conoce masha hopi caso di rectificacion.

Esey mester ta un signal si, cu e acusacion di pedofiel ta serio y no por hisa benta yama otro pa pedofiel, si no tin prueba.

LEAVE A REPLY

Please enter your comment!
Please enter your name here