Hopi noticia erroneo a sali den ultimo dianan riba e caso di Dimas. Den tur sorto di forma a twist loke enrealidad huez a considera y loke huez a dicta.
Den loke huez a considera, huez a usa un palabra hopi importante, cual ta ‘vermoedelijk’. Vermoedelijk nifica probablemente. O sea huez a bisa cu probablemente e hueznan cu trata e caso na September, lo yega na e mes un consideracion cu ami.
Sinembargo, esey no kemen cu huez a dicta esey y tampoco e consideracion di e huez aki ta final. E ta un opinion preliminar!
E caso mes lo wordo trata na luna di September y aki ningun hende sa kico e resultado por bira.
Un cos ta sigur cu e huez cu a trata e caso di suspension di decision no a bay profundo den e caso y esey ta haci cu el’a skip essencia di loke a sosode, cual ta pone cu ora e caso wordo trata na September, muy probablemente e caso por dal un buelta.
Tin un diferencia di kita un hende for di su funccion pa semper, vs kita un hende temporalmente, den cuadro di un quickscan, pa analisa kico lo bira e rumbo pa mehora Dimas.
