Den un rueda di prensa dialuna mainta, Minister President Evelyn Wever Croes a elabora riba e situacion di condicionnan imponi door di Hulanda pa haya prestamo.
Awe, porfin a drenta e carta, cual ta consisti di 218 pagina. Expertonan ta studiandonan pa duna nan conseho. No ta un condicion a bini aserca, ni dos condicion, pero ta trata di 18 condicion. Esaki ta trece un complicacion den e forma con nos tin cu studia y presenta esaki. Ta condicionnan no solamente riba aspecto financiero, pero tambe den sector financiero, husticia y eseñansa. Ta awor a caba di ricibi nan y ta studiandonan.
E carta ta confirma cu Aruba ta cumpliendo cu tur punto, pero cu excepcion di Wever Croes norm. Nan kier mira un ley pa pasa parlamento pa cual directornan di companiannan ta wordo poni bao precion pa baha nan salario na 130%. Gobierno a trate di otro forma, a cuminza cu trahe e ley. A cuminza cu aplike riba tur vacatura y posicion nobo di director cu wordo nombra. Y ora e ley pasa lo bay atende cu e directornan y negocia cu nan pa nan duna di nan parti pa baha nan salario te na 130%. No ta tur ta gana mas cu esey. Hulanda ta bisa den e carta, cu nan ta duna te 1 di september pa atende esaki. Pues a haya algun tempo adicional pa cumpli cu esaki.
Aruba ta cumpli cu tur condicion te na e dos tranche y pesey Aruba por sigui haya prestamo.
Asina Minister President Evelyn Wever Croes a anuncia dialuna mainta.
