Den un relato manda pa prensa, Knops a pasa man calculator, pa asina e cuminza bereken ta cuanto interes Aruba lo bay paga den añanan venidero. Hopi chistoso diparti Knops, pasobra desde 2017 a pidi Hulanda pa brinda Aruba e interes na 0%, y Hulanda tabata haci manera cu e no a tende y pone condicion cu mester yega un begroting cu surplus.
Awor Knops na Hulanda, pero tambe Lejuez na Aruba, kier bereken intrest riba fiansa. Nada contra cu nan berkening.
Sinembargo Hulanda corta 166.666.00 florin pa dia for di AZV. Ta for di ken el’a corta e servicio aki? For di baca, cacho, pushi, cu parha? Of for di pueblo di Aruba?
Cu boca grandi Knops ta bisa cu e kier bin inverti na Aruba, pero nunca e ta bisa con ni kico!
Nos ta di acuerdo cu lo mester corta gasto. Pero, tabata apropia pa corta 166.666.00 florin pa dia for di Hospital, net den pandemia? Si pa cada tranche bo ta bini cu un lista di condicionnan, ta kico lo bira ora nos yega 4de tranche, 5de tranche, cu 6de tranche?
Ta asina bo ta bisa cu bo kier bin yuda? Mihor Knops reflecciona, Hulanda reflecciona, y cuminsa yuda di berdad, traha hunto cu Aruba, pero no bin haci un staatsgreep, bula parlamento afor, y laga Aruba bay cay bao Tweede Kamer.
Hulanda ta bendebo cu ta pa 7 aña, pero nos tur sa cu e 7 aña ey hamas lo conoce final.
