Investigacion di husticia ta mustra cu e negoshi di tereno a produci hopi placa pa Sussebeek y Benny. Na Curacao a haya un cuenta di banco cu 2.4 miyon florin riba dje, cu ta producto di corupcion. Benny tabata firma tereno pa loco pa Sussebeek y na su turno Sussebeek tabata bende esaki cu inversionistanan. Sussebeek a haya e terenonan di mas prominente dilanti waf, djey a bende esaki. Husticia a bisa cu nan tin prueba cu e placa poni den cuenta di banco na Curacao, tabata yega bek cerca Benny, sea via placa cash, sponser, of material pa su cas. Benny ta nenga cu 2.4 miyon aki ta di dje. Sinembargo e pruebanan ta mustra si con Sussebeek tabata feed Benny cu placa. Hecho ta keda cu Sussebeek cu tabata un ambtenaar di DOW, a pasa over ter beschikking di Benny pa traha den su oficina. Djey Sussebeek a haya multiple tereno y tabata bende esaki. E patrimonio di pueblo tabata bay den cartera di Sussebeek, cual na su turno, tabata sponser e fundacion Curazon Berde cu placa. Pues, ken tabata paga pa material di campaña? E placa procedente di benta di tereno di pueblo via Sussebeek.
