Diadomingo anochi Elida a discuti pisa cu su ex pareha, un meneer di scol Hulandes
Segun SOLO DI PUEBLO a bin compronde, cu e caso di Elida Arteaga di 26 aña ta cera desde mes anochi cu a haye den su kamber na e cas na Sabaneta.
Dokter a constata cu ta un suicidio y parce cu caso ta cera of mihor bisa nunca tabatin ningun caso.
Elida Arteaga un studiante prominente di Universidad di Aruba tabatin su ultimo contactonan diadomingo. El’a conta su amiga cu e cos a bay hopi robes na cas di su ex, ora cu el’a bay busca su pertenencianan na Paradera.
Elida tabata den un relacion cu un presunto meneer Hulandes, aparentemente meneer di scol pa dos aña. 15 dia prome cu el’a comete suicidio el’a kibra cu e pareha. Cos lo no a finalisa mucho bon. Lo tabata un relacion cu un final toxico.
Algo a pasa diadomingo!
A sosode algo diadomingo cu a conduci na su morto. Sea el’a wordo mata of a pone fin na su bida, tur cos ta debi na algo cu a sosode diadomingo entre e y su ex pareha.
Pues nos por categorisa e caso aki kisas como un sorto di problema di pareha cu un final doloroso.
E plekkinan blauw na su curpa, su huña cu ta kibra, tabata di e pelea cu su ex pareha diadomingo?
Con bin dokter no a red flag, cu tin cosnan cu no ta cuadra ?
E resultado no ta loke a wordo spera. Famia por haci autopsia, pero esaki tin un costo halto. E ta costa 8.000 florin.
E fotonan di e scenario ta dificil pa kere cu e por a haci tal acto. Tin hopi indicacion cu ta un crimen. Sinembargo nunca lo haya un final si no hasi un autopsia pa determina esey.
SOLO DI PUEBLO ta spera cu famianan lo por logra haci e autopsia pa asina esclarece e caso aki.
Solo di Pueblo ta extende palabra di forsa na tur su amistadnan y su coleganan studiante di Universidad.
